Ураза гаете уңаеннан МФЦларның эш графигы үзгәрә
Татарстанда «Минем документлар» күп функцияле үзәкләре Ураза бәйрәме уңаеннан эш вакытын үзгәртә. 20 мартта офислар ябыла.
Татарстанда Ураза гаете уңаеннан «Минем документлар» күп функцияле үзәкләренең эш режимы үзгәрәчәк. Бу хакта ведомствоның матбугат хезмәте хәбәр итә.
19 март – бәйрәм алды көне – барлык офислар бер сәгатькә иртәрәк ябылачак. Эш графигы бүлекләргә карап аерыла.
Казанда күпчелек бүлекләр 8:00 дән 17:00 гә кадәр эшләячәк. Гагарин һәм Зареченский бүлекләре – 10:00 дән 19:00 гә кадәр, ә мигрантлар белән эшләү бүлеге 8:00 дән 19:00 гә кадәр ачык булачак.
Республика районнарында да эш вакыты үзгәрә. Тукай районында, Яр Чаллы үзәгендә һәм күпчелек территориаль бүлекләрдә гражданнарны 8:00 дән 16:00 гә кадәр кабул итәчәкләр. Яр Чаллы филиалы 11:00 дән 19:00 гә кадәр эшли, Түбән Камадагы «студентлар» офисы – 9:00 дән 19:00 гә кадәр. Лаеш филиалы 8:00 дән 17:00 гә кадәр, ә Ютазыда 8:00 дән 14:00 гә кадәр эш вакыты билгеләнгән.
20 мартта – Ураза бәйрәме көнендә – күп функцияле үзәкләрнең барлык офислары ябылачак.
Билгеле булганча, Татарстанда «Яшьләр һәм балалар» илкүләм проекты гамәлгә ашырыла.
